स्वतन्त्र ऊर्जा उत्पादकहरूको संस्था, नेपाल (इप्पान)ले प्रधानमन्त्री दैवी प्रकोप उद्धार कोषमा ५ करोड ५ लाख ५० हजार रुपैयाँ आर्थिक सहयोग गर्ने निर्णय गरेको छ ।
बिहिबार बसेको इप्पान कार्यसमिति बैठकले बाढी प्रभावितहरुको राहत र उद्दारका लागि इप्पान तथा इप्पान सम्बद्ध जलविद्युत कम्पनीहरूको तर्फबाट प्रधानमन्त्री दैवी प्रकोप उद्धार कोषमा ५ करोड ५ लाख ५० हजार रुपैयाँ आर्थिक सहयोग गर्ने निर्णय गरेको हो ।
ऊर्जा, जलस्रोत तथा सिँचाइमन्त्री विराजभक्त श्रेष्ठको उपस्थितिमा आर्थिक सहयोग रकमको चेक हस्तान्तरण गरिने इप्पानका अध्यक्ष मोहन कुमार डाँगीले जानकारी दिएका छन् ।
अध्यक्ष डाँगीले इप्पानका सम्पूर्ण सदस्य कम्पनीहरूलाई सक्रिय र उदारपूर्वक सहयोग गर्न अनुरोध पनि गरेका छन् ।
