बाढीका कारण मैलुङ खोला जलविद्युत कम्पनी लिमिटेडले निर्माण गरेको ५ मे.वा. क्षमताको मैलुङ खोला जलविद्युत आयोजनाको विद्युतगृह पूर्ण रूपमा क्षतिग्रस्त भएको छ ।
कम्पनीका महाप्रबन्धक विनय चिपालुका अनुसार कम्पनीद्वारा रसुवा जिल्लाको उत्तरगया गाउँपालिका वडा नं. १ मा सञ्चालित ५ मे.वा. क्षमताको मैलुङ खोला जलविद्युत आयोजनाको विद्युतगृह पूर्ण रूपमा क्षतिग्रस्त भई विद्युत उत्पादन बन्द भएको छ ।
जलविद्युत केन्द्रमा हाल कार्यरत कर्मचारीहरुको अवस्था समेत अज्ञात रहेको उनले बताएका छन् ।
