दरमखोला हाइड्रो इनर्जी लिमिटेडले निष्काशन गरेको आईपीओ आज बिहीबार बाँडफाँड हुदै छ । बिक्री प्रबन्धक लक्ष्मी सनराइज क्यापिटलले आज बिहीबार बिहान ९:४५ बजे शेयर बाँडफाँड गर्ने तयारी गरेको हो।
कम्पनीले साउन १५ देखि साउन १९ गतेसम्म आम सर्वसाधारणलाई शेयर निष्काशन गरेको थियो। कम्पनीले सर्वसाधारणलाई २४ लाख २३ हजार १ सय ८५ कित्ता शेयर निष्काशन गरेको थियो। माग भन्दा बढीको आवेदन परेकोले गोलाप्रथाबाट शेयर निष्काशन हुने छ ।
कम्पनीले यस अघि नै आयोजना प्रभावित स्थानीय र वैदेशिक रोजगारीमा रहेका नेपालीलाई शेयर निष्काशन गरि बाँडफाँड गरिसकेको छ। कम्पनीले बागलुङको गलकोट नगरपालिका वडा नम्बर ११ मा ९.६ मेगावाट क्षमताको जलविद्युत आयोजना निर्माण गरिरहेको छ।
