आगामी साउनदेखि अडिटरहरुले लिनु पर्ने Unique Document Identification Number (UDIN) मोबाइलमा मात्र आउने भएको छ । नेपाल चार्टर्ड एकाउन्टेन्ट संस्था आईक्यानले आज एक सूचना जारी गर्दै यस्तो व्यवस्था गरिएको जनाएको हो ।
हालसम्म पेशागत प्रमाणपत्र प्राप्त सदस्यहरुले विभिन्न पेशागत प्रतिवेदनहरू जारी गर्दा लिनुपर्ने Unique Document Identification Number (UDIN)सम्बन्धी OTP (One Time Password) हालसम्म सदस्यहरूको मोबाइल नम्बर र इमेल ठेगाना दुबैमा पठाइने व्यवस्था थियो।
आईक्यानका अनुसार मिति २०८३ /०४/०१ देखि लागु हुने गरी उक्त ओटिपी संस्थाको ERP प्रणालीमा दर्ता रहेको सदस्यहरूको मोबाइल नम्बरमा मात्र पठाइने व्यवस्था मिलाइएको छ । उपरोक्त मितिपश्चात सदस्यहरुको इमेलमा UDIN सम्बन्धी OTP प्राप्त नहुने आइक्यानले प्रष्ट पारेको छ ।
