आज पुस ६ गते आइतबार ५ वटा कम्पनीको लाभांश सुरक्षित गर्ने अन्तिम दिन रहेको छ। साधारणसभाको लागि पुस ७ गते बुक क्लोज गर्ने निर्णय गरेका कम्पनीको लाभांश सुरक्षित गर्ने आज पुस ६ गते अन्तिम दिन हो।
जस अनुसार आजसम्म कायम शेयरधनीले मात्र सिंगटी हाइड्रो, तारागाउँ रिजेन्सी होटेल, नेपाल हाइड्रो डेभलपर, नेपाल लाइफ इन्स्योरेन्स र महालक्ष्मी विकास बैंकको लाभांश पाउन सक्ने छन् ।
सिंगटी हाइड्रोले ५ प्रतिशत बोनस शेयर वितरण गर्ने प्रस्ताव गरेको छ। कम्पनीले पुस २१ गते साधारणसभा बोलाएको छ।
तारागाउँ रिजेन्सी होटेलले ५ प्रतिशत नगद लाभांश वितरण गर्ने प्रस्ताव गरेको छ। कम्पनीले पुस २३ गते साधारणसभा बोलाएको छ।
नेपाल हाइड्रो डेभलपरले ९ प्रतिशत बोनस शेयर र ०.४७ प्रतिशत नगद लाभांश वितरण गर्ने प्रस्ताव गरेको छ। कम्पनीले पुस २३ गते साधारणसभा बोलाएको छ।
नेपाल लाइफ इन्स्योरेन्सले ५ प्रतिशत बोनस शेयर र १६.०५ प्रतिशत नगद लाभांश वितरण गर्ने प्रस्ताव गरेको छ। कम्पनीले पुस १९ गते साधारणसभा बोलाएको छ।
महालक्ष्मी विकास बैंकले ५ प्रतिशत बोनस शेयर र ५.३७ प्रतिशत नगद लाभांश वितरण गर्ने प्रस्ताव गरेको छ। कम्पनीले पुस २१ गते साधारणसभा बोलाएको छ।
यी कम्पनीका आजसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।
