युनिक फर्मास्युटिकल लिमिटेडले आईपीओ निष्काशन गर्ने भएको छ। कम्पनीले वैशाख २२ गते बोलाएको प्रथम साधारणसभामा आईपीओ निष्काशन गर्ने विशेष प्रस्ताव पेश गर्न लागेको हो।
कम्पनीले साधारणसभाको विशेष प्रस्ताव अन्तर्गत कम्पनीको प्रबन्धपत्र र नियमावली संशोधन गर्ने, कम्पनीको जारी पुँजीको २० प्रतिशत शेयर आईपीओको रुपमा निष्काशन गर्ने, आईपीओ निष्काशनको लागि बिक्री प्रबन्धक चयन गर्ने, आईपीओबाट संकलन हुने रकमको उपयोगबारे निर्णय गर्ने, र यी कार्य गर्ने अख्तियारी संचालक समितिलाई दिने प्रस्तावहरु पेश हुने छन् ।
यस कम्पनीले बिरगंजमा रहेको कारखानाबाट औषधि उत्पादन गर्दै आएको छ। कम्पनीका प्रबन्ध संचालक मुकेश शर्मा हुन् ।
