आज मंगलबार शेयरबजार परिसूचक नेप्से दोहोरो अंकले बढेको छ। आज नेप्से सूचक ७५.३३ अंकले बढेर २५६३.४३ को बिन्दुमा पुगेर रोकिएको छ।
आज कारोबारमा आएका ३१७ कम्पनीका ३ करोड ९७ लाख ९० हजार ८ सय ८९ कित्ता शेयर खरिद बिक्रीबाट १४ अर्ब ११ करोड ६३ लाख ३० हजार ९ सय ९५ रुपैयाँ ७६ पैसाको कारोबार भएको छ । जस मध्ये शिवम सिमेन्टको सर्वाधिक २४ करोड ६९ लाख, अपि पावरको २४ करोड २६ लाख, तथा हिमालयन रिइन्स्योरेन्सको २३ करोड २ लाखको कारोबार भएको छ।
आज बोटलर्स नेपाल बालाजु, समृद्धि फाइनान्स, मान्डु हाइड्रो , हाथवे इन्भेष्टमेन्ट र नेपाल वेयरहाउजीङ कम्पनीको शेयर मूल्य १० प्रतिशतले बढेको छ। त्यस्तै साहस उर्जाको शेयर मूल्य ९.९९ प्रतिशत बढेको छ । आज गणपति लघुवित्तको शेयर मूल्य सर्वाधिक ५.८३ प्रतिशत घटेको छ ।
आज कारोबारमा आएका सबै समूहगत सूचक बढेका छन् । जस मध्ये ट्रेडिङ समूह सर्वाधिक ५.०६ प्रतिशत बढेको छ भने जीवन बीमा समूह ४.४५ प्रतिशत तथा निर्जीवन बीमा समूह ४.३७ प्रतिशत बढेको छ।
