आज बिहीबार शेयर बजार परिसूचक नेप्से दोहोरो अंकले घटेको छ । आज नेप्से सूचक १०.४४ अंकले घटेर २०६८.३१ को बिन्दुमा पुगेर रोकिएको छ ।
आज कारोबारमा आएका ३०६ कम्पनीका ८६ लाख ६३ हजार ६ सय ९९ कित्ता शेयर खरिद बिक्रीबाट ३ अर्ब ८७ करोड ७ लाख ४४ हजार ९ सय ३ रुपैयाँ ३४ पैसाको कारोबार भएको छ । जस मध्ये माउन्टेन इनर्जीको सर्वाधिक १७ करोड १४ लाखको कारोबार भएको छ भने एनआरएन इन्फ्रास्ट्रकचर एण्ड डेभलपमेन्ट लिमिटेडको १५ करोड ७४ लाखको कारोबार भएको छ ।
आज कालिका लघुवित्तको शेयर मूल्य सर्वाधिक ७.७१ प्रतिशतले बढेको छ भने बाराही हाइड्रोपावरको शेयर मूल्य ६.६३ प्रतिशत बढेको छ । आज कुथेली बुखारी स्मल हाइड्रोपावरको शेयर मूल्य सर्वाधिक ९.२८ तथा भावती हाइड्रोपावरको शेयर मूल्य ५.४७ प्रतिशत घटेको छ ।
आज कारोबारमा आएका समुहगत सूचक फाइनान्स र म्युचुअल फण्ड बाहेकका सबै समुहगत सूचक घटेका छन् । फाइनान्स समुह सर्वाधिक १.८२ प्रतिशतले बढेको छ भने होटेल तथा टुरिजम समुह सर्वाधिक ०.९२ प्रतिशतले घटेको छ ।
