नेपाल पुनर्बीमा कम्पनीको सञ्चालक समितिको अध्यक्ष पद रिक्त भएको छ । कम्पनीको अध्यक्षमा अर्थ मन्त्रालयबाट सञ्चालक समितिमा प्रतिनिधित्व गरिरहेका सहसचिव इश्वरी प्रसाद अर्याल थिए ।
तर उनले उमेरहदको कारण साउन १८ गतेदेखि सहसचिव पदबाट अवकाश पाएपछि कम्पनीको अध्यक्ष पद स्वतः रिक्त भएको हो ।
यस संगै कम्पनीको अध्यक्षता ज्येष्ठ सञ्चालक नवराज मुडभरीले गर्ने भएका छन् । बीमा ऐन, २०७९ को दफा ५२(४) को व्यवस्था बमोजिम अध्यक्षको अनुपस्थितिमा ज्येष्ठ सञ्चालकले बैठकको अध्यक्षता गर्नेछ भन्ने व्यवस्था र कम्पनीको नियमावलीको नियम ३८ (५) बमोजिम उपस्थित सञ्चालकहरुले आफूमध्येबाट छानेको सञ्चालकले अध्यक्षता गर्नेछ भन्ने व्यवस्था अनुरुप मुडभरीले अध्यक्षता गर्ने कम्पनीले जनाएको हो ।
