हिमालयन रिइन्स्योरेन्समा ३ जना नयाँ संचालक चयन भएका छन् । कम्पनीमा उदय कुमार निरौला, दिपेन्द्र कुमार मिश्र र पृथ्वी राज थापा संचालक चयन भएका हुन् ।
कम्पनीको संचालक समितिको बैठकले उदय कुमार निरौलालाई अध्यक्षको जिम्मेवारी दिएको छ। आगामी साधारणसभा नहुँदासम्मको लागि उनीहरुलाई संचालक नियुक्त गरिएको कम्पनीले जनाएको छ।
यस अघि कम्पनीका अध्यक्ष रहेका शेखर गोल्छा, र संचालकद्वय शाहील अग्रवाल र रोहित गुप्ताले राजीनामा दिएका थिए। सरकारले दीपक भट्ट र उनका व्यवसायिक साझेदारहरु विरुद्द सम्पत्ति सुद्धीकरणको अनुसन्धान अघि बढाएपछि यी ३ जनाले राजीनामा दिएका थिए।
