२०८१ को असोजको दोस्रो साता आएको भारी वर्षा र त्यसले निम्त्याएको बाढीले ठूलो धनजनको क्षति गर्यो । विभिन्न बीमा कम्पनीमा पौने १२ अर्ब बढीको दाबी परेको थियो।
बीमा प्राधिकरणका अनुसार १८ कम्पनीमा गरि कुल १२ अर्ब २६ करोड ४ लाख ६२ हजार ६६ रुपैयाँ ९४ पैसाको दाबी परेको थियो । कुल ३५ सय २९ वटा दाबी परेका थिए।
जसमा मङ्सिर १२ गतेसम्म बीमा कम्पनीहरुले ७८ करोड ९३ लाख ८ हजार ३ सय ३ रुपैयाँ ७२ पैसा भुक्तानी गरेका छन् । कुल १२१५ वटा दाबी भुक्तानी भएको प्राधिकरणले जनाएको छ।
जसमा सम्पति बीमा शिर्षकमा सबैभन्दा धेरै ५८ करोड ८३ लाख १६ हजार रुपैयाँ दाबी भुक्तानी भएको छ। यस शिर्षकमा ९ अर्ब १ करोड ९५ लाख रुपैयाँको दाबी परेको छ।
मङ्सिर १२ गतेसम्मको तथ्यांक अनुसार अन्य कम्पनीले क्रमश दाबी भुक्तानी दिन थाले पनि राष्ट्रिय बीमा कम्पनी र ट्रस्ट माइक्रो इन्स्योरेन्सले अहिलेसम्म एक रुपैयाँ पनि दाबी भुक्तानी दिएका छैनन् । राष्ट्रिय बीमा कम्पनीमा १७ वटा दाबी मार्फत २० करोड ६७ लाख रुपैयाँ र ट्रस्ट माइक्रो इन्स्योरेन्समा ४ वटा दाबी १५ लाख २० हजार रुपैयाँको भुक्तानी परेको छन् । तर यी दुवै कम्पनीले अहिलेसम्म दाबी भुक्तानी दिन सुरु गरेका छैनन् ।
हेर्नुस् कुन कम्पनीले कति दाबी भुक्तानी दिए ?
कुन बीमालेखमा कति दाबी र कति दाबी भुक्तानी भयो ?
