चालु आर्थिक वर्षको पहिलो ८ महिनामा निर्जीवन बीमा कम्पनीहरुले २८ अर्ब बढीको बीमाशुल्क संकलन गरेका छन् । २०८१ साउन देखि २०८१ फागुनसम्मको अवधिमा निर्जीवन कम्पनीहरुले २८ अर्ब २ करोड ८८ लाख ५१ हजार रुपैयाँको बीमा शुल्क आर्जन गरेका हुन् ।
यस अवधिमा शिखर इन्स्योरेन्सले सबैभन्दा धेरै ४ अर्ब १ करोड बीमाशुल्क संकलन गरेको छ भने सगरमाथा लुम्बिनी इन्स्योरेन्स (सलिको) ले ३ अर्ब ३२ करोड बीमाशुल्क संकलन गरेको छ। त्यस्तै सिद्धार्थ प्रिमियर इन्स्योरेन्सले २ अर्ब ७५ करोड बीमा शुल्क संकलन गर्दा आईजीआई प्रुडेन्शियल इन्स्योरेन्सले २ अर्ब ३७ करोडको बीमाशुल्क संकलन गरेको छ।
यस अवधिमा नेशनल इन्स्योरेन्स कम्पनीले सबैभन्दा कम ७६ करोड ४७ लाख बराबरको बीमाशुल्क संकलन गरेको छ भने राष्ट्रिय बीमा कम्पनीले १ अर्ब ९ करोड बराबरको बीमाशुल्क संकलन गरेको छ। त्यस्तै प्रभु इन्स्योरेन्सले १ अर्ब १६ करोड तथा नेपाल इन्स्योरेन्सले १ अर्ब ४० करोड बराबरको बीमाशुल्क संकलन गरेको छ।
हेर्नुस् कुन बीमा कम्पनीको बीमाशुल्क संकलन कति ?
