गार्डियन माइक्रो लाइफ इन्स्योरेन्स कम्पनीको विशेष साधारणसभा स्थगित भएको छ। कम्पनीको आज वैशाख ३ गते बसेको संचालक समितिको बैठकले वैशाख ५ गते गर्न लागेको साधारणसभा स्थगित गर्ने निर्णय गरेको हो ।
नेपाल बीमा प्राधिकरणले कम्पनीको विशेष साधारणसभा स्थगित गर्न निर्देशन दिएपछि कम्पनीले सभा स्थगित गरेको हो ।
कम्पनीले १:१ को अनुपातमा शतप्रतिशत हकप्रद निष्काशन गर्ने प्रस्ताव पारित गर्नको लागि विशेष साधारणसभा बोलाएको थियो। अब विशेष साधारणसभा स्थगित भएपछि कम्पनीको हकप्रद अन्योलमा परेको छ।
