नेपाल बीमा प्राधिकरणले बीमकको लगानी सम्बन्धी निर्देशन, २०८२ जारी गरेको छ। प्राधिकरणले भदौ १७ गते स्वीकृत गरि जारी गरेको निर्देशनमा जीवन बीमा कम्पनी, निर्जीवन बीमा कम्पनी, पुनर्बीमा कम्पनी र लघुबीमा कम्पनीले कुन कुन क्षेत्रमा कति कति रकम लगानी गर्न पाउने छन् भन्ने व्यवस्था गरिएको छ।
कम्पनीहरुले आफ्नो लगानी नीति संचालक समितिबाट स्वीकृत गराएर मात्र लगानी गर्नु पर्ने छ। नयाँ व्यवस्था अनुसार कम्पनीलाई सरकारी सुरक्षणपत्र र नेपाल राष्ट्र बैंक ऋणपत्रमा लगानी गर्न कुनै प्रकारको बन्देज र सीमा लगाईएको छैन। साथै निर्देशनले कस्ता खालको सहायक कम्पनीमा लगानी गर्न पाउने छ भन्ने व्यवस्था गरिएको छ।
बीमा कम्पनीले लगानी गर्न पाउने क्षेत्रहरुलाई १२ शिर्षकमा वर्गीकरण गरिएको छ । प्राधिकरणले जीवन बीमा, निर्जीवन बीमा, र पुनर्बीमा कम्पनीलाई छुट्टाछुट्टै सीमा तोकेको छ। तोकिएको शिर्षकमा कम्पनीहरुले लगानी गर्न मिल्ने रकमको सीमा तोकिएको छ, जुन कुल लगानी गरिएको रकमको प्रतिशतको आधारमा छ।
नयाँ व्यवस्था अनुसार बीमा कम्पनीहरुले धितोपत्र बजारमा सूचीकृत संस्थाको संस्थापक वा साधारणशेयरमा १५ प्रतिशतसम्म लगानी गर्न पाउने छन् । जसमा जीवन बीमा र पुनर्बीमाले कुल लगानीको १५ प्रतिशतसम्म लगानी गर्न पाउने छन् भने निर्जीवन कम्पनीले १० कुल लगानी रकमको १० प्रतिशतसम्म लगानी गर्न पाउने छन् ।
हेर्नुस् कस्ता बीमा कम्पनीले, कुन क्षेत्रमा कति लगानी गर्न पाउछन् ?
