पौष महिनामा पनि घरजग्गा कारोबार बढेका छ । भूमी व्यवस्थापन तथा अभिलेख विभागका अनुसार पौष महिनामा देशभरका मालपोत तथा भूमी सुधार कार्यालयबाट १ लाख ६२ हजार ८७७ कारोबार भएका छन् । यसबाट सरकारले ५ अर्ब १७ करोड ३२ लाख रुपैयाँ राजस्व संकलन गरेको छ ।
यसअघि मंसिरमा पनि कारोबार बढेको थियो । मंसिर महिनामा देशभरका मालपोत कार्यालय तथा भूमी सुधार एवम् मालपोत कार्यालयहरुबाट ५१ हजार ६३२ लिखत पारित भएका छन् । यसबाट सरकारले ४ अर्ब ८४ करोड ८१ लाख ५४ हजार रुपैयाँ राजस्व संकलन गरेको थियो ।
साउनबाट रोकिएको कित्ताकाट कार्तिक अन्तिम हप्ताबाट खुलेसँगै कारोबार बढ्न थालेको हो ।
