सरकारले असोज महिनामा घरजग्गा कारोबारबाट २ अर्ब ७५ करोड राजस्व संकलन गरेको छ । असोजमा देशभरमा भएको घरजग्गा कारोबारबाट देशैभरका मालपोत तथा नापी कार्यालयले २ अर्ब ७५ करोड ८५ लाख ५७ हजार ९२७ रुपैयाँ बराबरको राजस्व संकलन गरेका हुन् ।
भूमि व्यवस्थापन तथा अभिलेख विभागका अनुसार गत असोजमा सेवा करबापत २१ करोड ३० लाख ७५ हजार २६०, रजिष्ट्रेशन शुल्कबापत १ अर्ब ४४ करोड १६ लाख ८७ हजार ७५५, पूँजीगत लाभकरबापत १ अर्ब ६ करोड १९ लाख ३५ हजार ५३७ रुपैयाँ संकलन भएको छ ।
विभागका अनुसार असोजमा २३ हजार ३५३ वटा लिखत पारित भएको छ । २ हजार ४४२ वटा नामसारी, २३ हजार ९१४ रोक्का, १७ हजार ९३० फुकुवा भएका छन् ।
गत भदौ २३ र २४ गतेको जेनजी आन्दोलनका कारण देशभरका दुई दर्जनभन्दा बढी मालपोत कार्यालयमा क्षति पुगेको थियो ।
