भूमि विधेयक प्रतिनिधि सभामा प्रस्तुत भएको छ । भूमि व्यवस्था, सहकारी तथा गरिबी निवारणमन्त्री बलराम अधिकारीले भूमि विधेयक प्रतिनिधि सभामा प्रस्तुत गरेका हुन् ।
मन्त्री अधिकारीले यो विधेयक यही वैशाख २३ गते प्रतिनिधि सभामा दर्ता गरेका थिए । बुधबार प्रतिनिधि सभामा प्रस्तुत भएको हो । यसअघि अध्यादेशमा समावेश भएका नयाँ व्यवस्थालाई निरन्तरता दिने गरी भूमी विधेयक आएको हो ।
यसअघि सरकारले माघ २ गते भूमिसम्बन्धी केही नेपाल ऐन संशोधन अध्यादेश ल्याएको थियो । यो अध्यादेश माघ ४ गते राजपत्रमा प्रकाशित भएको थियो । तर, संसद्बाट अगाडि बढ्न सकेन ।
विधेयकमा सरकारले हदबन्दी छुटको जग्गा बेच्न दिने प्रस्ताव गरेको । तर, यसमा विभिन्न सर्तहरू तोकिएका छन् । ‘घर जग्गा व्यवसाय गर्न अनुमति लिएको कम्पनीले सूचित आदेशले तोकेको हदभित्रको जग्गा प्रचलित कानूनबमोजिम जग्गा विकास गरी घडेरी वा त्यस्तो घडेरीमा घर निर्माण गरी बिक्री गर्न सक्ने’ विधेयकमा भनिएको छ ।
प्रस्तावित विधेयकमा भूमिसम्बन्धी ऐन २०२१ को दफा १२ मा संशोधन गरेर हदबन्दी छुटको जग्गा बेच्न दिने प्रस्ताव गरिएको हो ।
