पुस महिनामा घरजग्गा कारोबार बढेको छ । भूमि व्यवस्था तथा अभिलेख विभागका अनुसार चालु आर्थिक वर्ष २०८१÷०८२ को पुस महिनामा घरजग्गा कारोबार बढेको हो ।
पुसमा देशभर ४७ हजार ४७९ संख्यामा घरजग्गा कारोबार भएको छ । यो अघिल्लो महिनाको तुलनामा ९.४५ प्रतिशतले बढी हो । मंसिरमा देशभर ४३ हजार ३७९ लिखत पारित भएको थियो ।
गत वर्ष पुसमा देशभर ४५ हजार २७५ लिखत पारित भएको थियो ।
घरजग्गा कारोबार बढेसँगै राजस्व पनि बढेको छ । पुसमा घरजग्गा कारोबारमार्फत सेवा कर, रजिष्ट्रेसन दस्तुर, पुँजीगत लाभकर लगायतका शीर्षकबाट सरकारले ४ अर्ब ६३ करोड रूपैयाँ राजस्व प्राप्त गरेको छ । यो अघिल्लो महिनाको तुलनामा १ अर्बले बढी हो।
