प्रतिनिधिसभा सदस्य विदूषी राणाले उत्पादनमुखी अर्थतन्त्र भएको मुलुक बन्ने कि केवल व्यापारमुखी देशमै सीमित रहने भन्दै प्रश्न उठाएकी छिन् । उद्योग तथा वाणिज्य समितिको बैठकमा उनले नेपाल आखिर उत्पादनमुखी अर्थतन्त्र बन्न चाहन्छ कि केवल भन्सार र आयातमुखी देशमै सीमित रहने भन्दै प्रश्न उठाएकी हुन् ।
‘हामी रोजगारी, आत्मनिर्भरता, आयात प्रतिस्थापन र युवालाई नेपालमै रोक्ने कुरा गर्छौं, तर वास्तविकतामा अधिकांश नीति अझै पनि व्यापारलाई मात्रै सहज हुने गरी बनिरहेका छन्’ उनले भनिन्, ‘यदि नेपाललाई समृद्ध बनाउने हो भने अब उत्पादन, उद्योग र रोजगारी केन्द्रित नीति हुनैपर्छ ।’
उनले आत्मनिर्भर अर्थतन्त्र निर्माणका लागि उत्पादन र रोजगारीलाई केन्द्रमा राखेर नीतिहरु बने मात्रै मुलुक समृद्ध बन्न सक्ने धारणा पनि राखेकी छिन् ।
