स्वास्थ्य बीमा बोर्डले मंसिर सम्मको बक्यौता चूक्ता गरेको जनाएको छ । बोर्डले सेवा प्रदायक स्वास्थ्य संस्थालाई मंसिरसम्मको बक्यौता रकम भुक्तानी गरिएको जनाएको छ ।
सेवा प्रदायक स्वास्थ्य संस्थालाई बक्यौताकापत उपलब्ध गराउनुपर्ने २३ अर्ब ४४ करोड २ लाख ९८ हजार १५ रुपैयाँ रकम भुक्तानी गरिएको बोर्डले विज्ञप्तिमार्फत जनाएको छ ।
बोर्डका अनुसार अब गत पुसदेखिको दाबी भुक्तानी गर्न आवश्यक बजेट व्यवस्थापन तथा दिगो वित्तीय स्रोत सुनिश्चितताका लागि स्वास्थ्य मन्त्रालय र अर्थ मन्त्रालयमा निरन्तर समन्वय र पहल भइरहेको छ ।
