स्वास्थ्य मन्त्रालयले स्वास्थ्य बीमा कार्यक्रमका लागि ७५ करोड रकमान्तर गरेको छ । मन्त्रालयले स्वास्थ्य बीमा बोर्डलाई ७५ करोड ९ लाख १२ हजार रुपैयाँ रकमान्तर गरेको हो ।
बीमा बोर्डका अनुसार स्वास्थ्य बीमा सेवा उपलब्ध गराइरहेका अस्पतालहरुलाई भुक्तानी गर्न नसक्ने अवस्थामा आएपछि मन्त्रालयले रकमान्तर गरेको छ । मन्त्रालयले चालु आर्थिक वर्षका विभिन्न कार्यक्रम कटौती गर्दै उक्त रकम रकमान्तर गरेको हो ।
बोर्डका अनुसार पुस मसान्तसम्म अस्पताललाई तिर्न बाँकी दायित्व मात्रै १२ अर्ब रुपैयाँभन्दा बढी छ ।
