आर्थिक वर्ष २०८०/८१ मा नेशनल हाइड्रो पावर कम्पनी घाटामा गएको छ। अघिल्लो आर्थिक वर्षमा ४८ लाख ३२ हजार खुद नाफा गरेको कम्पनी आर्थिक वर्ष २०८०/८१ मा भने २ करोड ४९ लाख ४५ हजार रुपैयाँ घाटामा पुगेको हो ।
यस अवधिमा कम्पनीको विद्युत बिक्रीको आम्दानी ४ करोड ६८ लाखबाट घटेर ४ करोड २ लाखमा सिमित भएको छ । कम्पनीको प्रत्यक्ष खर्च २करोड ६५ लाखबाट बढेर ३ करोड २४ लाख पुगेको छ। कम्पनीको प्रशासनिक खर्च ९० लाख ३३ हजारबाट बढेर १ करोड ४८ लाख पुगेको छ । कम्पनीको प्रशासनिक खर्च ६४ प्रतिशतले बढेको हो।
यस अवधिमा कम्पनीको प्रति शेयर आम्दानी ऋणात्मक १.०१ रुपैयाँ रहेको छ । प्रति शेयर नेटवर्ष १०० रुपैयाँ ४२ पैसा रहेको छ । २ अर्ब ४६ करोड चुक्ता पुँजी रहेको कम्पनीको रिजर्भ ९८ लाख ६८ हजार रुपैयाँ ऋणात्मक रहेको छ ।
पटक पटक गणपुरक संख्या नपुग्दा कम्पनीले हालसम्म पनि २०७९/८० को साधारणसभा गर्न सकेको छैन ।
