काठमाडौँस्थित त्रिभुवन अन्तराष्ट्रिय विमानस्थलको स्तरोन्नति गर्न विमानस्थल सञ्चालन समय १० घण्टा कटौती गरिएपछि हवाई भाडा दोब्बरभन्दा बढीले आकाशिएको छ । विमानस्थल सञ्चालन समय घटाइँदा विदेशी वायुसेवा कम्पनीको उडान संख्या पनि कटौती हुँदा हवाई भाडा अचाक्ली बढेको हो ।
यसको प्रमुख असर विदेश जाने नेपालीलाई परेको छ । हाल दैनिक १ हजार ५ सय बढी नेपाली युवाहरु त्रिभुवन अन्तराष्ट्रिय विमानस्थल हुँदै वैदेशिक रोजगारीमा जाने गरेका छन् ।
आज कार्तिक २३ गते शुक्रबारदेखि चैत १८ गते सम्म राति १० बजेदेखि बिहान ८ बजेसम्म दैनिक १० घण्टा विमानस्थल बन्द हुनेछ । जसका कारण नयाँदिल्ली, दुबई, दोहा, साउदी अबर, कुवेत, मलेसिया (क्वालालम्पुर)लगायतका गन्तव्यको हवाई भाडा अत्याधिक बढेको छ । जसका कारण वैदेशिक रोजगारीमा जाने नेपाली कामदारहरु मर्कामा परेका छन् ।
नेपालीहरुको प्रमुख रोजगार गन्तव्यको भाडादरः
एयरलाइन्स कम्पनीहरुले मिलेमतोमा अस्वभाविक रूपमा टिकटको भाडादर बढाएको नेपाल वैदेशिक रोजगार व्यवसायी संघले जनाएको छ । यसको प्रत्यक्ष मारमा वैदेशिक रोजगारीमा जाने श्रमिकहरुको संघका अध्यक्ष राजेन्द्र भण्डारीको भनाइ छ ।
