थाइ एयर एसियाको उडान अनुमतिमा लगाइएको फुकुवा भएको छ । नागरिक उड्डयन प्राधिकरणले आइतबार अनुमतिबिना बैंककबाट काठमाडौँ आएको थाइ एयर एसियालाई कारबाही गरेको थियो ।
उडान तालिका नै नभई थाइ एयर एसियाले बैंकक–काठमाडौँ उडान गरेपछि तत्कालका लागि प्राधिकरणले उडानमा रोक लगाएको थियो ।
थाइ एयरले माफी मागेपछी आगामी दिनमा गौतमबुद्ध र त्रिभुवन अन्तर्राष्ट्रिय विमानस्थलमा नियमित उडान गर्ने शर्तमा प्राधिकरणले उडान अनुमतिमा लगाएको प्रतिबन्ध फुकुवा गरेको हो ।
योसँगै अब थाइले आइतबारदेखी (३ नोभेम्बर) दुबै विमानस्थलमा नियमित उडान गर्ने प्राधिकरणका सुचना अधिकारी ज्ञानेन्द्र भुलले जानकारी दिए ।
