काठमाडौँस्थित त्रिभुवन अन्तराष्ट्रिय विमानस्थलका अध्यागमन कर्मचारीले आफ्नो ड्युटी बिर्सिएपछि यात्रुहरु अलपत्र परेका छन् । कर्मचारीहरु ड्युुटी बिर्सिएर बाहिर निस्किएर गफगाफमा लागेपछि त्रिभूवन अन्तर्राष्ट्रिय विमानस्थलमा वैदेशिक रोजगारीमा हिडेका र अन्य यात्रुहरु मर्कामा परेका छन् ।
कर्मचारीहरु सबै काउन्टर खाली गरेर हिडेपछि वैदेशिक यात्रामा निस्किएका यात्रुहरु अलपत्र भएका हुन् । अध्यागमनका कर्मचारी नहुँदा यात्रुहरुले ड्युटी अफिसरलाई सम्पर्क गर्दा समेत सम्पर्क नभइरहेको यात्रुले गुनासो गरेका छन् ।
सँगै, कर्मचारी नहुँदा इमिग्रेसन पास हुन नसक्ने हुँदा जहाज समेत छुट्ने खतरा बढेको यात्रुहरुको भनाइ छ । यात्रुका अनुसार अध्यागम काउण्टरका सबै कुर्सी खाली छन् ।
झण्डै आधा घण्टादेखि यो क्रम जारी रहेको यात्रुहरुले गुनासो गरेका छन् ।
