बिपी राजमार्ग अवरुद्द भएपछि दशैँमा काठमाडौँबाट रामेछाप जाने यात्रुका लागि असजिलो भएका बेला दुइ एयरलाइन्स कम्पनीले उडान गर्ने भएका छन् । काठमाडौँ–मन्थली रुटमा तारा र समिट एयरले उडान गर्न लागेका हुन् ।
रामेछापबासी र रामेछापका जनप्रतिनिधिले निकै माग गरेपछि तारा र समिटले आउँदो हप्ता एक एक उडान गर्ने भएका हुन् । स्रोतका अनुसार बुधबार र बिहिबार एक एक उडान हुनेछन् ।
स्रोतले दिएको जानकारी अनुसार बुधबार काठमाडौँबाट समिटि एयरले मन्थलीको उडान गर्नेछ । बिहिबार तारा एयरले यो रुटमा उडान गर्नेछ ।
त्यसपछि भने आवश्यकताका आधारमा थप निर्णय हुने बताइएको छ । हाललाई असोज २३ र २४ गते एक एक उडान गर्न लागिएको दूबै एयरलाइन्स कम्पनीका अधिकारीहरुले बताएका छन् ।
यो रुटको हवाई भाडा प्रतियात्रु एकतर्फी ४ हजार २ सय छ ।
