नेपाल वायुसेवा निगम (नेपाल एयरलाइन्स) को महाप्रबन्धकको नियुक्ति चुनावपछि मात्रै हुने भएको छ । नेपाल एयरलाइन्समा कात्तिक ८ देखि रिक्त रहेको महाप्रबन्धक अब चुनाव पछि बन्ने नयाँ सरकारले नियुक्त गर्ने भएको हो ।
सरकारले नेपाल एयरलाइन्समा महाप्रबन्धक नियुक्ति गर्ने प्रक्रिया अघि बढाएर १० जनाको सर्ट लिस्टसमेत प्रकाशित गरिसकेको थियो । तर, फागुन २१ गते हुने प्रतिनिधिसभा निर्वाचनका लागि आचारसंहतिा लागू भइसकेको भन्दै सर्वोच्चमा उजुरी परेको थियो । सर्वोच्च अदालतले आचारसंहिता लागू भइरहेका बेला नियुक्त गर्न नमिल्ने आदेश दिएको हो ।
यता, निर्वाचन आयोगले पनि नियुक्तिको सहमति दिएन । यससँगै, अब निगमको महाप्रबन्धक कम्तीमा नयाँ सरकार नबन्दासम्म खाली नै रहने भएको छ ।
यसकारण अब फागुन २१ मा हुने निर्वाचन पछिको मतपरिणामका आधारमा बन्ने नयाँ सरकारले नै निगमको महाप्रबन्धक नियुक्ति गर्नेछ ।
