नेपाल वायुसेवा निगम (नेपाल एयरलाइन्स)को रिक्त महाप्रबन्धका लागि आवेदन दिएका १० जनाको संक्षिप्त सूची सार्वजनिक भएको छ । कार्तिक २७ गते प्रकाशित सूचना अनुसार १६ जनाको आवेदन परेकोमा छनोट समितिले १० जनाको संक्षिप्त सूची सार्वजनिक गरेको हो ।
सूचीमा मोरङका उपेन्द्रबहादुर कार्की, झापाका टंकनिधि दाहाल, कास्कीका डा. दीपक प्रसाद बास्तोला, काठमाडौँका दीपुराज ज्वारचन र बैतडीका डा. भिम बहादुर चन्द रहेका छन् । यस्तै, गुल्मीका योगराज शर्मा कँडेल, लमजुङका विष्णु बाबु मिश्र, डडेलधुराका बेद प्रसाद उप्रेती, सिरहाका संजय कुमार सिंह र सोलुखुम्बुका सन्तुष्ट कुमार बस्नेत पनि संक्षिप्त १० सूचीमा रहेका छन् ।
छनोट समितिले अब माघ १४ गतेदेखि २५ गतेसम्म संक्षिप्त सूचीमा परेका व्यक्तिहरुको व्यवसायिक कार्ययोजनाको प्रस्तुतिकरण र अन्तरवार्ता लिनेछ । उम्मेद्वारले ३० मिनेटभित्र प्रस्तुतिकरण दिनुपर्नेछ ।
