वायुसेवा सञ्चालक संघ (आवन) को अध्यक्षमा प्रतापजंग पाण्डे सर्वसम्मत निर्वाचित भएका छन् । शुक्रबार सम्पन्न संघको २५औँ साधारणसभाले पाण्डेको अध्यक्षतामा नयाँ कार्यसमिति चयन गरेको हो ।
संघको प्रथम उपाध्यक्षमा अल्टिच्यूड एयरका सञ्चालक निमा नुरु शेर्पा, द्वितीय उपाध्यक्षमा यती एयरलाइन्सका प्रमुख कार्यकारी अधिकृत सुभाष सापकोटा र तृतीय उपाध्यक्षमा तारा एयरका प्रमुख कार्यकारी अधिकृत उमेश पनेरु चयन भएका छन् ।
महासचिवमा सिम्रिक एयरका प्रबन्ध निर्देशक मुरलीधर जोशी, सचिवमा एयर डाइनेस्टीका प्रबन्धक बालकृष्ण पण्डित तथा कोषाध्यक्षमा बुद्ध एयरका निर्देशक रूपेश जोशी चुनिएका छन् ।
कार्यसमिति सदस्यमा विनोद थापा, धनश्यामराज आचार्य, श्रोम हर्ष श्रेष्ठ, उमेश आचार्य, प्रज्वल थापा, नोभेलकुमार राजलवट, फुर्वा छिरिङ शेर्पा र मिलन महर्जन चयन भएका छन् ।
यसअघि संघको अध्यक्ष मनोज कार्की थिए ।
