नेपाल वायुसेवा निगम (नेपाल एयरलाइन्स)को ट्वीनअटर जहाज मर्मत पश्चात सञ्चालनमा आएको छ । गत सेप्टेम्बरदेखि इन्जिन मर्मत तथा वार्षिकी जाँचका लागि ग्राउण्डेड रहेको निगमको ट्वीनअटर डीएचसी–६ जहाज मर्मत पश्चात सञ्चालनमा आएको हो ।
निगमका अनुसार कलसाइन ९एन–एबीटी जहाजको मर्मत पश्चात कार्तिक २४ गते परीक्षण उडान गरिएको थियो । परीक्षण उडान सफल भएसँगै कार्तिक २५ गतेबाट व्यवसायिक उडान सुरु गरिएको निगमका निमित्त महाप्रबन्धक जनकराज कालाखेतीले जानकारी दिएका छन् ।
यससँगै निगमका दुइ वटै जहाजमार्फत आन्तरिकतर्फ व्यवसायिक उडान सुरु भएको छ ।
