मौसम बदलीका कारण काठमाडौँस्थित विमानस्थलमा जहाजको उडान तथा अवतरण प्रभावित भएको छ । खासगरी, अहिले अवतरणमा प्रभाव परिरहेको विमानस्थलले जनाएको छ ।
देशका विभिन्न आन्तरिक विमानस्थलबाट काठमाडौं आउने विमानहरूलाई अवतरणमा समस्या परिरहेको त्रिभुवन अन्तर्राष्ट्रिय विमानस्थलका प्रवक्ता रिन्जी शेर्पाले जानकारी दिए ।
“अहिले काठमाडौँ एयरपोर्ट त ओपन नै छ, भरतपुर, पोखरा चाहिँ क्लोज छ,” उनले भने, “भैरहवाबाट काठमाडौँ आएको श्री एयरको जहाज उतै फर्किएको छ । दिल्लीबाट काठमाडौँ आएको इन्डिगोको जहाज पनि दिल्ली नै फर्किएको छ ।”
यस्तै, विराटनगरबाट काठमाडौँ आउँदै गरेको श्री एयरको जहाज विराटनगर नै फर्किएको छ । दोहाबाट काठमाडौँ आउँदै गरेको नेपाल एयरलाइन्सको जहाजलाई दिल्ली डाइभर्ट गरिएको छ ।
