नाडा अटोमोवाइल्स एशोसिएशन अफ नेपाले भदौ ९ गतेदेखि १४ गतेसम्म आयोजना गर्न लागेको १८औँ संस्करणको ‘नाडा अटो शो’को स्टल बाँडफाँड सम्पन्न भएको छ । आइतबार गोलाप्रथामार्फत स्टल बाँडफाँड गरिएको नाडाका महासचिव मिलनबाबु मल्लले जानकारी दिए ।
सवारी साधन, पार्ट पुर्जा, वित्तिय सेवा र बीमा सेवा प्रदायक सहितको सहभागीता रहने अटो शोलाई यसवर्ष ‘एच पि लुब्रिकेन्ट्स’ले प्रायोजन गरेको छ ।
गत महिना स्टल बुकिङ खुला गरिएको थियो । गोला प्रथाद्वारा १९ वटा प्यासेन्जर भेहिकल, १० वटा २ पाङ्ग्रे सवारी साधन, १७ वटा लाइट कमर्शियल भेहिकल एवं ७६ वटा साना स्टलहरूमा ४५ ओटा अटो कम्पोनेन्ट्सहरुलाई स्टल बाँडफाँड गरिएको नाडाले जनाएको छ ।
