काठमाडौँस्थित त्रिभुवन अन्तर्राष्ट्रिय विमानस्थलको आन्तरिक टर्मिनलमा छुट्टै भीआईपी कक्ष निर्माण गरिएको छ । भीआईपी व्यक्तिहरुको सुविधा र सुरक्षाका लागि आन्तरिक टर्मिनल भवनमा नयाँ भीआईपी कक्ष निर्माण गरिएको हो ।
उक्त भीआईपी कक्षको आज सोमबार उद्घाटन हुँदैछ । उक्त आधुनिक र सुविधा सम्पन्न भीआईपी कक्ष चाम्से कन्स्ट्रक्सन कम्पनीले निर्माण गरेको छ । निर्माण कम्पनीले तोकिएको अवधिभित्रै निर्माण सम्पन्न गरेपछि अब उद्घाटन गर्न लागिएको विमानस्थलका महाप्रवन्धक हंसराज पाण्डेले जानकारी दिए ।
यसअघि आन्तरिक टर्मिनलको भित्री क्षेत्रमा भीआईपी सेवा दिने गरिएको थियो । अब ठूलो ठाउँबाट भीआईपी सेवा उपलब्ध हुनेछ ।
नयाँ भीआईपी कक्षको संस्कृति, पर्यटन तथा नागरिक उड्डययनमन्त्री बद्रिप्रसाद पाण्डले सोमबार दिउँसो उद्घाटन गर्ने कार्यक्रम छ ।
