काठमाडौँस्थित त्रिभुवन अन्तर्राष्ट्रिय विमानस्थलमा छुट्टाछुट्टै भीआईपी र भीभीआईपी डेस्क स्थापना गरिएको छ ।
अध्यागमन कार्यालयले विशिष्ट (भीआईपी) एवम् अति विशिष्ट (भीभीआईपी) व्यक्तिको आगमन तथा प्रस्थान सरल, सहज र सुविधायुक्त बनाउन त्रिभुवन अन्तर्राष्ट्रिय विमानस्थलमा छुट्टाछुट्टै डेस्क स्थापना गरेको हो ।
संस्कृति, पर्यटन तथा नागरिक उड्डयनमन्त्री बद्री पाण्डेले शनिबार एक कार्यक्रमबीच उक्त डेस्कको उद्घाटन गरेका हुन् ।
प्रमुख अध्यागमन अधिकृत विष्णुप्रसाद कोइरालाका अनुसार उक्त डेस्क प्रयोग गरी आगमन र प्रस्थान गर्ने विशिष्ट र अति विशिष्ट व्यक्तिहरुले भीआईपी र भीभीआईपी डेस्कमा उपस्थित भई अध्यागमन प्रक्रिया पूरा गर्नुपर्नेछ ।
नेपाल राजपत्रमा उल्लेखित विशिष्ट र अति विशिष्ट व्यक्तिले मात्र उक्त भीआईपी तथा भीभीआईपी डेस्कको प्रयोग गगर्न पाउने छन् ।
