प्रतिनिधिसभा अन्तर्गतको सार्वजनिक लेखा समितिले पोखरा अन्तर्राष्ट्रिय विमानस्थल निर्माणमा भएको भ्रष्टाचार प्रकरणबारे अनुसन्धान गर्न अख्तियार दुरुपयोग अनुसन्धान आयोगलाई निर्देशन दिएको छ ।
समितिले सांसद राजेन्द्र लिङ्देनको संयोजकत्वमा गठन गरेको उपसमितिले स्थलगत अध्ययन र अनुसन्धान पश्चात उक्त आयोजना निर्माणमा भ्रष्टाचार भएको भन्दै प्रतिवेदन तयार पारेको थियो । उक्त प्रतिवेदनमाथि बुधबार समितिमा भएको छलफलपछि थप अनुसन्धान गर्न अख्तियारलाई निर्देशन दिने निर्णय भएको हो ।
समितिको बुधबारको बैठकले पोखरा अन्तर्राष्ट्रिय विमानस्थल निर्माणमा भएको भ्रष्टाचार प्रकरणबारे अनुसन्धान गर्न अख्तियारलाई निर्देशन दिने निर्णय भएको सभापति ऋषिकेश पोखरेलले बताए ।
