नेपाल नागरिक उड्डयन प्राधिकरण (क्यान)का कर्मचारी आन्दोलनमा उत्रिएका छन् । क्यानलाई सेवा प्रदायक र नियामक निकायका रूपमा छुट्याउने दुई विधेयक फिर्ता लिन माग गर्दै क्यानका कर्मचारी आन्दोलनमा उत्रिएका हुन् ।
यसै क्रममा नागरिक उड्डयन प्राधिकरण आधिकारिक ट्रेड युनियनले प्राधिकरणका महानिर्देशक प्रदीप अधिकारी र सञ्चालक समितिको कार्यकक्षमा तालाबन्दी गरेको छ ।
संस्कृति, पर्यटन तथा नागरिक उड्डयन मन्त्रालयले यी दुवै विधेयक संसदमा दर्ता गरिसकेको छ । जसमा प्राधिकरणको हाल कायम संरचनालाई हवाई सेवा प्राधिकरण र नागरिक उड्डयन प्राधिकरणका रूपमा छुट्याउने उल्लेख छ ।
कर्मचारीले भने प्राधिकरण छुट्याउन नहुने माग राख्दै आएका छन् ।
