नेपाल नागरिक उड्डययन प्राधिकरण (क्यान)ले युरोपेली हेलिकप्टर तथा वायुयानको आयातमा प्रतिबन्ध लगाउने कुनै निर्णय नभएको प्रष्ट पारेको छ । युरोपेली जहाज निर्माता कम्पनी एयरबसका जहाजको आयातमा प्रतिबन्ध लगाइएको भन्ने खालका समाचार प्रकाशित भएको भन्दै क्यानले यस्तो कुनै पनि निर्णय नभएको प्रष्ट पारेको हो ।
प्राधिकरणले बिहीबार एयरबसका हेलिकप्टरको आयातमा प्रतिबन्ध लगाएको भन्ने खालका समाचार बाहिर आएका थिए । यस लगत्तै क्यानले आफ्नो आधिकारिक ट्वीटर ह्याण्डलमार्फत कुनै पनि निर्णय नभएको जनाएको हो ।
क्यानले लेखेको छ, ‘विश्वभरका सुरक्षित वायुयान निर्माता कम्पनिहरुलाई नेपालमा खुला र समान अवसर प्रदान गर्ने सम्वन्धमा भएको छलफलको तथ्य विपरित, संचार माध्यमहरुमा आएका ‘नेपालमा युरोपेली हेलिकप्टर÷वायुयान आयातमा प्रतिबन्ध’ सम्बन्धि समाचारहरुका सम्वन्धमा कुनै पनि आधिकारिक निर्णय नभएको व्यहोरा अनुरोध छ ।’
