नेपालमा अन्तराष्ट्रिय र आन्तरिक गरि कुल ५५ वटा विमानस्थल रहेपनि २० वटा विमानस्थल भने हाल संचालनमा नरहेको पाईएको छ। नेपाल नागरिक उडड्यन प्राधिकरणका अनुसार हाल नेपालमा ३ वटा अन्तराष्ट्रिय र ५२ वटा अन्तरिक गरि कुल ५५ वटा विमानस्थल रहेको छ। ५२ वटा अन्तरिक विमानस्थल मध्ये ३ वटा हब विमानस्थल रहेको छ।
नेपालमा अन्तराष्ट्रिय विमानस्थलको रुपमा काठमाडौँमा त्रिभुवन अन्तराष्ट्रिय विमानस्थल, भैरहवामा गौतम बुद्द अन्तराष्ट्रिय विमानस्थल र पोखरामा पोखरा अन्तराष्ट्रिय विमानस्थल रहेका छन् । त्यस्तै अन्तरिक तर्फको ३ वटा हब विमानस्थलको रुपमा विराटनगर, नेपालगंज र धनगढीको विमानस्थल रहेका छन् । यी बाहेक थप २९ वटा अन्तरिक विमानस्थल संचालनमा छन् ।
संचालनमा रहेका अन्य २९ विमानस्थल
वैतडी, बझाङ, बाजुरा, भरतपुर, भोजपुर, चन्द्रगढी, दाङ, डोल्पा (जुफाल), डोटी, फाल्गुनन्द सुकिलुम्बा (इलाम), गुल्मी रेसुङ्गा, जनकपुर, जोमसोम, जुम्ला, खानीडाँडा, पोखरा, फाप्लु, राजविराज, रामेछाप, रारा, सल्ले (रुकुम), साँफेबगर, सिमरा, सिमिकोट, सुर्खेत, ताप्लेजुङ, तेन्जिङ हिलारी (लुक्ला), थामखर्क, र तुम्लिङटार ।
संचालनमा नरहेका २० विमानस्थल
बाग्लुङ, चौरजहारी (रुकुम), दार्चुला, ढोरपाटन, पालुङटार (गोरखा), जिरी, कालिकोट, कमल बजार, काँगेलडाँडा, खिजी चन्डेश्वरी, लाङटाङ, लामिडाँडा, महेन्द्रनगर, मनाङ, मसिनेचौर (डोल्पा), मेघौली, रोल्पा, रुम्जाटार, स्याङबोचे, र टिकापुर ।
संचालनमा रहेका विमानस्थल मध्ये पनि १० वटामा मात्र रातको समयमा संचालन गर्न सकिने सुविधा छन् । ३ वटा अन्तराष्ट्रिय विमानस्थल, तथा विराटनगर, चन्द्रगढी, धनगढी, जनकपुर, नेपालगंज, सिमरा, र राजविराजमा मात्र रातमा उडान संचालन गर्न सकिने सुविधा छ ।
यी बाहेक भक्तपुरको नलिन्चोकमा हेलिकप्टरहरुको लागि हेलिपोर्ट रहेको छ। त्यस्तै हाल निजगढ अन्तराष्ट्रिय विमानस्थल निर्माणको प्रक्रियामा रहेको छ।
