नेपालमा केई र फोर्थिङ इलेक्ट्रिक गाडीको अधिकृत वितरक लक्ष्मी ई–मोबिलिटीले पोखरामा केई र फोर्थिङ इभीको शो–रुम उद्घाटन गरेको छ । नयाँ शो–रुम मंसिर ८ गते सोमबार पोखराको बुद्धचोकमा औपचारिक रूपमा सञ्चालनमा आएको हो ।
यस शोरुम सञ्चालनमा आएसँगै यी दूबै ब्राण्डहरूले पश्चिम क्षेत्रमा आफ्नो उपस्थितिलाई विस्तार गर्दै आधुनिक, दिगो र भविष्यमुखी इलेक्ट्रिक सवारीसाधनहरूलाई ग्राहकहरूमा प्रस्तुत गर्नेछन् ।
उद्घाटन समारोहको अवसरमा, कम्पनीले विशेष ‘ग्रान्ड ओपनिङ अफर’ पनि सार्वजनिक गरेको छ । जसअन्तर्गत आकर्षक नगद सुविधा, विशेष बोस इलेक्ट्रोनिक अप्लायन्सेस, एक वर्षको निःशुल्क अटो प्लस बीमा तथा रोड–ट्याक्स प्याकेजका साथै प्रत्येक बुकिङका लागि एक रातको आकर्षक स्टे–प्याकेज समावेश छन् । नयाँ शो–रुमले पोखराका इभी प्रेमीहरूलाई उच्चस्तरीय खरिद अनुभव दिने लक्ष्य राखेको छ ।
दिगो यातायात प्रवर्द्धन गर्ने उद्देश्यले लक्ष्मी ग्रुपले देशभर RE-Lax Recharge Network मार्फत ६३ भन्दा बढी चार्जिङ र रिपेयर स्टेशनको सञ्जाल विस्तार गरिसकेको छ । जसले ग्राहकलाई सहज इभी चार्जिङ तथा सेवा सुविधा उपलब्ध गराउँदै इभी पूर्वाधारलाई अझ सुदृढ बनाएको छ ।
बुद्धचोकस्थित केई र फोर्थिङ शो–रुमको उद्घाटनले प्रदेशमा बढ्दै गएको इभी मागलाई ध्यानमा राख्दै ग्राहकलाई थप नजिक र सुविधाजनक सेवा उपलब्ध गराउने महत्वपूर्ण कदमको रूपमा योगदान पुर्याएको कम्पनीको भनाइ छ । लक्ष्मी ई–मोबिलिटीले सबै इच्छुक ग्राहकहरूलाई नयाँ सुविधा अवलोकन गर्न र नेपालको इलेक्ट्रिक मोबिलिटीको नयाँ अध्याय अनुभव गर्न आमन्त्रण पनि गरेको छ ।
