AION V ले यूरो NCAP टेस्ट २०२५ मा ५-स्टार सेफ्टी रेटिङ प्राप्त गरेको छ । अटोमोबाइलहरूको लागि विश्वको सबैभन्दा सम्मानित सुरक्षा मूल्यांकनहरू मध्ये एक मानिने NCAP टेस्ट २०२५ मा AION V ले ५-स्टार सेफ्टी रेटिङ प्राप्त गरेको हो।
AION V मा उन्नत बडी स्ट्रक्चर, मल्टी-सेन्सर कोलिजन डिटेक्सन, र एआई-संचालित ड्राइभर असिस्टेन्स टेक्नोलोजी जस्ता विशेषताहरू छन्, जसले चालकहरूलाई हरेक यात्रामा आत्मविश्वास र आराम प्रदान गर्दछ ।
नेपालमा सीजी मोटर्सले आधिकारिक विक्रेता को रुपमा नेपाली ग्राहकहरूलाई AION V र AION Y जस्ता प्रिमियम इलेक्ट्रिक एसयूभीहरू उपलब्ध गराउँदै आएको छ । भविष्यमुखी डिजाइन, फराकिलो इन्टेरियर र उन्नत सुविधाहरूका रहेको AION V यूरो NCAP टेस्ट २०२५ मा ५-स्टार सेफ्टी रेटिङ पाएसँगै सरक्षामा पनि अब्बल रहेको प्रमाणित भएको छ ।
उन्नत प्रविधि र आधुनिक डिजाइनका लागि विश्वव्यापी रूपमा परिचित इभी ब्रान्ड AION ले विश्व इभी बजारमा निरन्तर नयाँ मापदण्डहरू स्थापना गर्दै आएको छ। एसिया, युरोप र मध्य पूर्वमा आफ्नो बढ्दो उपस्थितिका साथ AION निकै प्रचलित बनेको छ ।
