चालु आर्थिक वर्ष २०८२/०८३ को ३ महिनामा २६ सय बढी विद्युतीय कार नेपाल भित्रिएका छन् । भन्सार विभागले सार्वजनिक गरेको वैदेशिक ब्यापारको तथ्यांक अनुसार चालु आर्थिक वर्षको ३ महिनामा २ हजार ६२० युनिट ईभी आयात भएका छन् ।
जसअन्तर्गत, १ अर्ब २६ करोड ६७ लाख १६ हजार बराबरका ५० किलोवाट सम्मका ७५१ युनिट ईभी आयात भएका छन् । यस्तै, ४ अर्ब २ करोड १९ लाख ८९ हजार मूल्य बराबरका ५१ देखि १०० किलोवाट सम्मका १ हजार ५४५ युनिट ईभी नेपाल भित्रिएका छन् ।
यस्तै, ९५ करोड ७० लाख ४ हजार मूल्यका १०१ देखि २०० किलोवाट सम्मका ३२३ युनिट विद्युतीय कार आयात भएको भन्सार विभागले जनाएको छ । २०१ देखि ३०० किलोवाट सम्मको भने एक युनिट ईभी मात्रै आयात भएको छ । यसको मूल्य ४८ लाख ४९ हजार छ ।
