Geely EX5 विद्युतीय गाडीले नाडा अटो शोमा उल्लेख्य बुकिङ पाएको छ । DreamSmart China को अधिकृत आयातकर्ताको रुपमा नेपालमा Geely EX5 भित्र्याउने एलआरआर मोटर्स प्रा.लि.का अनुसार नाडा अटो शोका क्रममा १८७ युनिट गाडीको बुकिङ भएको छ ।
Max र Pro गरी दुई वटा भेरियन्टमा प्रदर्शनीमा राखिएको Geely EX5 अत्याधुनिक प्रविधि, अधिक रेञ्ज र आकर्षक डिजाइनका कारण चर्चामा छ ।
“नाडामा Geely EX5 ले पाएको उत्साहजनक प्रतिक्रियाले हामीलाई हौसला प्रदान गरेको छ,” एलआरआर मोटर्सका बिक्री तथा सञ्चालन प्रमुख अधिर श्रेष्ठले भने, “छ दिनमै १८७ वटा बुकिङ हुनु Geely को नवप्रवर्तनमा बढ्दो विश्वास र नेपालमा दिगो गतिशीलताका समाधानप्रति बढ्दो मागको स्पष्ट संकेत हो । यो सफलताले नेपाली बजारका लागि विश्वस्तरीय EV उपलब्ध गराउने हाम्रो प्रतिवद्धतालाई अझ मजबुत बनाएको छ ।”
श्रेष्ठका अनुसार, Geely EX5 श्रृंखलामा प्रयोग गरिएको नवीनतम र परिमार्जित ब्याट्रीले विशेषगरी नेपाली उपभोक्ताहरुलाई आकर्षित गराएको हो ।
गाडी निर्माता जिली होल्डिङ्ग ग्रुप आफैले उत्पादन गरेको यो ब्याट्रिले एट (आठ वटा) निडल परिक्षण पास गरेसँगै संसारकै पहिलो वाटर, फायर र बुलेट प्रुफ प्रमाणीत यस ब्याट्रिको आयू ३५ सय चार्ज रिसाइकल (लगभग १० लाख किमि अथवा ५० वर्ष) रहेको छ जुन हालसम्म उपलब्ध अन्य कुनै पनि ब्याट्रिको क्षमताभन्दा धेरै अधिक हो ।
साथै आयातकर्ता एलआरआर मोटर्स्ले जिलीका गाडीहरुको ब्याट्रिमा आठ वर्ष वा एक लाख ६० हजार किमिसम्म वारेण्टि समेत दिएको छ । एलआरआर मोटर्सका अनुसार बुक गरिएका गाडीहरूको डेलिभरी आजैदेखि सुरु भइसकेको छ ।
