गोल्यान ग्रुप अन्तर्गतको जनता एग्रो एण्ड फरेस्ट्री लिमिटेड (जाफल)ले थाइल्याण्डको कासेत्सार्ट विश्वविद्यालयसँग ऐतिहासिक सम्झौता गरेको छ । दुवै देशका प्रधानमन्त्रीहरुको उपस्थितीमा आज बैंककमा भएको समझदारीपत्रमा जनता एग्रोको तर्फबाट गोल्यान ग्रुपका अध्यक्ष पवन गोल्यानले हस्तार गरेका हुन् ।
ब्याङ्ककमा आयोजित बिम्स्टेक बैठकको अवसरमा सम्झौता भएको हो। यो साझेदारीले नेपालको कृषि क्षेत्रमा नवीन जैविक खेती प्रविधि, उन्नत बिरुवा हेरचाह रणनीति, आधुनिक कटानी विधि र गुणस्तर वृद्धि प्रक्रियाहरू भित्र्याउने अध्यक्ष गोल्यानले बताए। उनका अनुसार जनता एग्रोले कासेत्सार्ट विश्वविद्यालयसँग मिलेर नेपाली किसानहरूलाई अत्याधुनिक ज्ञान प्रदान गर्न काम गर्नेछ, जसले जैविक खेतीलाई थप दिगो र उत्पादनशील बनाउनेछ।
सँगै मिलेर स्वस्थ, हरियाली र समृद्ध नेपालका लागि कृषिमा क्रान्ति ल्याउँने अध्यक्ष गोल्यानले बताएका छन् ।
