प्रधानमन्त्री पुष्पकमल दाहाल प्रचण्डले बजेटका सम्बन्धमा सांसदहरुले उठाएका जिज्ञासाहरुको सम्बोधन गरेर बजेटलाई अन्तिम रूप दिने बताएका छन् । प्रतिनिधिसभाको आजको बैठकमा सांसदहरूले उठाएका प्रश्नको जवाफ दिँदै प्रधानमन्त्रीले उठेका विषयलाई ‘करेक्शन’ गर्नुपर्ने पक्षमा आफू रहेको बताएका हुन् ।
‘सम्भव हुनेसम्म, सच्याउन मिल्ने ठाउँसम्म सच्याएर जानुपर्छ, यहाँ उठेका विषयलाई मैले गम्भीर रूपमा हेरेको छु’ उनले भने, ‘सम्भव हुने ठाउँसम्म सन्तुलित बनाउने कोसिस हुन्छ। मैले अर्थमन्त्रीलाई पनि भनेको छु, भौतिक मन्त्रालयको विषयमा कुरा उठेको छ। उहाँसँग पनि हुनसक्ने र सम्भव हुनेसम्म करेक्सन गरौँ भनेको छु ।’
