कामना सेवा विकास बैंकले आर्थिक वर्ष २०८०/८१ को चौथो त्रैमासको अपरिस्कृत वित्तीय विवरण प्रकाशित गरेको छ । जस अनुसार बैंकको खुद नाफा ६६.९० प्रतिशतले बढेको छ ।
यस अवधिमा बैंकले ६० करोड ३२ लाख खुद नाफा कमाएको छ । अघिल्लो आर्थिक वर्षको सोहि अवधिमा बैंकको खुद नाफा ३६ करोड १३ लाख मात्रै थियो ।
यस अवधिमा बैंकको खुद ब्याज आम्दानी २ अर्ब ६ करोडबाट बढेर २ अर्ब १२ करोड पुगेको छ । बैंकको संचालन आम्दानी १ अर्ब ७९ करोडबाट बढेर २ अर्ब १८ करोड पुगेको छ भने संचालन मुनाफा ६३ करोड ९१ लाखबाट बढेर ९७ करोड ८४ लाख पुगेको छ । अघिल्लो आवको तुलनामा बैंकको प्रति शेयर आम्दानी ११ रुपैयाँ १ पैसाबाट बढेर १८ रुपैयाँ ३८ पैसा पुगेको छ ।
यस अवधिमा कम्पनीको वितरणयोग्य मुनाफा ३५ करोड ७८ लाख ८० हजार १ सय ९८ रुपैयाँ रहेको छ । बैंकको प्रति शेयर वितरणयोग्य मुनाफा १० रुपैयाँ ९१ पैसा रहेको छ ।
३ अर्ब २८ करोड चुक्ता पुँजी रहेको बैंकको रिजर्भमा १ अर्ब ७५ करोड रहेको छ ।
