नेपाल क्लियरिङ हाउस (एनसीएचएल)को सञ्चालक समितिको अध्यक्षमा नेपाल राष्ट्र बैंकका कार्यकारी निर्देशक चेत प्रसाद उप्रेती नियुक्त भएका छन् ।
अध्यक्ष नियुक्त भएका उप्रेतीले बिहिबार नेपाल राष्ट्र बैंकका डेप्युटी गभर्नर बम बहादुर मिश्रसँग पद तथा गोपनीयताको शपथ ग्रहण गरेका छन् । यसअघि उक्त पदमा कार्यकारी निर्देशक विश्रुत थापा रहेका थिए ।
उप्रेती राष्ट्र बैंकमा २७ वर्षदेखि सेवारत छन् । त्रिभुवन विश्वविद्यालयबाट एमबिए गरेका उप्रेती हाल राष्ट्र बैंकको गैरबैंकिङ वित्तीय संस्था सुपरिवेक्षण विभागका कार्यकारी निर्देशकको रूपमा कार्यरत छन् ।
