नेपाल राष्ट्र बैंकले बैंक तथा वित्तीय संस्थाको लागि ऋणपत्र जारी गर्ने व्यवस्थामा केही परिवर्तन गरेको छ । आज वाणिज्य बैंक, विकास बैंक र फाइनान्सहरुको लागि एकिकृत निर्देशन जारी गर्दै राष्ट्र बैंकले ऋणपत्र जारी गर्ने व्यवस्थामा केही परिवर्तन गरेको हो।
नयाँ व्यवस्था अनुसार अन्तिम लेखापरीक्षण भएको पछिल्लो वित्तीय विवरणको आधारमा कायम रहेको प्राथमिक पुँजीको पाँच प्रतिशतभन्दा बढी सञ्चित नोक्सानी बाँकी नरहेका इजाजतपत्रप्राप्त संस्थाले बढीमा आफ्नो प्राथमिक पुँजीको शत प्रतिशतसम्मको डिबेञ्चर÷अन्य ऋण उपकरण जारी गर्ने स्वीकृतिका लागि राष्ट्र बैंकमा निवेदन
पेश गर्नु पर्नेछ । त्यस्तो निवेदनका सम्बन्धमा राष्ट्र बैंकले आवश्यक शर्त तोकी डिबेञ्चर तथा अन्य ऋण उपकरण जारी गर्न स्वीकृति दिन सक्नेछ ।
यस अघि सञ्चित नोक्सानी बाँकी नरहेका इजाजतपत्रप्राप्त संस्थाले बढीमा आफ्नो प्राथमिक पुँजीको शत प्रतिशतसम्मको
डिबेञ्चर÷अन्य ऋण उपकरण जारी गर्न सक्ने व्यवस्था थियो ।
यो पनि : बैङ्क र फाइनान्सहरुलाई अग्राधिकार शेयर जारी गर्ने बाटो खुल्यो, यस्ता छन् शर्त
