बुधबार भोटेकोशी नदीमा आएको बाढीका कारण ४० किलोमिटर सडक पूर्णरुपम क्षतिग्रस्त भएको छ । रसुवाको वेत्रावतीदेखि मैलुङ हुँदै स्याफ्रुबेँसी–रसुवागढी जोड्ने सडक पूर्ण रूपमा बिग्रिएको छ । यसैगरी, गल्छीदेखि त्रिशूलीसम्मको १० किलोमिटर सडक पनि अवरुद्द भएको छ ।
पृथ्वीराजमार्गमा पनि करिब करिब १३ किलोमिटर सडकखण्डमा लेदो जमेको छ ।
बाढीले ४१ वटा पुलमा पूर्ण रूपमा क्षति गरेको छ । पुल भाँचिएका र भत्किएका स्थानमा बेलिब्रिज जडान गर्ने तयारी भइरहेको छ । अहिले नेपाल सरकारसँग ५० मिटरसम्म लम्बाइका ७ वटा बेलिब्रिज मात्रै छन् ।
भारत र चीनले बेलिब्रिज उपलब्ध गराउने प्रतिवद्धता जनाएका छन् ।
सुरुमा वेत्रावतीमा बेलिब्रिज राख्ने तयारी भइरहेको छ ।
