भोटेकोशी नदीमा आएको प्रलयकारी बाढीका कारण विभिन्न जलविद्युत आयोजना तथा वितरण केन्द्रमा कार्यरत १९६ जना वेपत्ता भएका छन् ।
विद्युत प्राधिकरणका अनुसार त्रिशुली ३ बी का २१ जना, चिलिमेका ७ जना, चिलिमे जलविद्युत कम्पनी अन्तर्गतको चेस्को कम्पनीबाट खटिई त्रिशुली जलविद्युत कम्पनीबाट निर्माणाधिन त्रिशुली ३ बीको साइटमा कार्यरत ११ जना, रसुवागढीका ९२ जना सम्पर्क बिहिन भएका छन् ।
यस्तै, त्रिशुली ३ ए का ४५ जना, त्रिशुली जलविद्युत केन्द्र र देविघाट जलविद्युत केन्द्रका एक एक जना तथा रसुवा वितरण केन्द्रका २ जना पनि हराइरहेको प्राधिकरणले जनाएको छ ।
यसैगरी, त्रिशुली २२० केभी ३ हब सबस्टेशनमा ठेकेदार कम्पनीका तर्फबाट कार्यरत १६ जना पनि सम्पर्क बिहिन भएको प्राधिकरणले जानकारी दिएको छ ।
