स्वरोजगार लघुवित्तले विन नेपाल लघुवित्तलाई गाभेर २०८३ भदौ २१ गतेदेखि एकिकृत कारोबार सुरु हुने भएको छ । स्वरोजगार लघुवित्त वित्तीय संस्था लिमिटेडको नामबाट एकिकृत कारोबार हुन लागेको हो ।
नेपाल राष्ट्र बैंक, धितोपत्र बोर्ड र कम्पनी रजिष्ट्रार कार्यालयबाट अन्तिम स्वीकृति प्राप्त भएकोले भदौ २१ गतेबाट एकीकृत कारोबार गर्न लागेको कम्पनीले जनाएको छ। एकिकृत कारोबारको लागि भदौ २१ गते दुवै कम्पनीको सम्पूर्ण कारोबार अवरुद्द हुने भएको छ।
स्वरोजगार लघुवित्तले समान स्वापमा विन नेपाल लघुवित्तलाई प्राप्ति गरेको हो । प्राप्ति पश्चात बन्ने स्वरोजगार लघुवित्तको केन्द्रीय कार्यालय काभ्रेको बनेपा नगरपालिका वडा नम्बर ५ मा रहने छ। यी दुवै संस्थाको केन्द्रीय कार्यालय बनेपा मै थियो। दुई संस्थाबीच पुस ९ गते मर्जर तथा प्राप्ति सम्बन्धि सम्झौतामा हस्ताक्षर भएको थियो ।
हाल स्वरोजगार लघुवित्तको शेयर मूल्य ७९८ रुपैयाँ रहेको छ भने विन नेपाल लघुवित्तको शेयर मूल्य १२८० रुपैयाँ रहेको छ।
